Actualitats
L’IEO-Aude a remés una letra dobèrta a la Ministra dels Espòrts en reclamant los drèits lingüistics del pòble occitan
“Levatz la suspension sine die de l’occitan!” çò demanda la letra
De militants de L’IEO-Aude la letra a la man de la ministra francesa en escasença de l’inauguracion de l’estadi de Carcassona, qu’a la sinhaletica sonque en francés e mai se la Comuna l’aviá anonciada tanben en occitan.
Aqueste divendres 12 d’abril, la Ministra francesa dels Espòrts (de la Joventut, de l’Educacion Populara e de la Vida associativa), dòna Fourneyron, venguèt a Carcassona per inaugurar la tribuna novèla de l’estadi Domèc.
Primièra marrida suspresa: la senhaletica en francés del tot al tot alara que la Comuna en Conselh Municipal e lo cònse a l’Amassada generala de l’ASCarcassona XIII avián anonciat una senhaletica bilingüa francés-occitan!
L’IEO-Aude remetèt a la Ministra una Letra dobèrta per far lo punt sus la situacion de l’occitan en reprenent las tematicas esportivas:
“Volèm dintrar sus la pelena…
Madama la Ministra,
Vos escrivèm una letra que legiretz benlèu.
Profitam de vòstra venguda a Carcassona per l’estrena de la tribuna novèla de l’estadi per vos adreiçar aquesta tribuna novèla que vos dirà nòstre malcòr.
Esperam qu’intervendretz alprèp del President per faire levar la suspension sine dieque ven de prononciar a un marrit Conselh del mes de març per nòstra lenga occitana e per nòstra cultura.
Devèm reconéisser que comprenèm pas brica las rasons d’aquela suspension dins la mesura ont nos aviá promés fòrt e fèrme l’an passat que i aviá pas cap de problèma per nosauts de jogar sus la pelena e entre las linhas de las culturas de França e del monde e que suportava pas mai de nos veire en segonda division.
La pelena? Vos rapelam que, bèl temps i a, nòstres aujòls contribuèron a la semenar en se faguent trobadors o en metent en abans las valors de Jòi, Larguesa e Paratge que prefiguravan las règlas de l’esperit esportiu que defendètz: lo respècte de totes.
Comprenèm pas tanpauc que França contunhe de jogar jos falsa licéncia: per dintrar dins l’Union Europèa, cal faire pròva d’esperit democratic e aver ratificat la Carta europèa de las lengas regionalas e minoritàrias. Susprenent de veire que la règla s’aplica als jogaires novèls e non pas a l’arbitre francés! E la situacion es similària dins las instàncias internacionalas planetàrias!
E ara, vaquí que lo vòstre collèga de las escòlas s’i met tanben e, tot en diguent que refonda l’escòla, causís lo camin de l’exclusion e del bonet d’ase per las lengas de França. Es una escòrna a l’intelligéncia umana de voler escafar tot lo saber amassat per las generacions precedentas e de se privar d’una diversitat de vejaires. E se vei e s’ausís a la television encara mens d’occitan que de rugbí de 13, es per vos dire…
Òu, caldriá solament jogairas e jogaires amb un cap monolitic e formatats a l’identica? Una equipa a besonh de pilars, de mesclanha, d’alièrs, de centres, de tranquillas e de fosilhs, de gròsses e de magres, de grandas e de pichonas, d’experiéncia e d’inspiracion, … Alara, seriá plan se los Blaus sabián metre en musica lo francés e tot çò que ven de l’occitan, del catalan, del basc, del breton, del còrs, de las lengas de prèp o de luènh per tirar totes dins lo sens de la solidaritat e de la ciutadanetat e non pas se faire lo morre. Nos vesètz tristes-tristasses e demandam qu’a èsser gaujoses: avèm bona constitucion per aquò (çò que sembla pas èsser lo cas per França).
Lo jòc dobèrt es totjorn lo mai atractiu, lo mai portaire de vam e d’espèr; perqué, digatz-nos, França causís de jogar pichon, estequit e entristesit?
E, tant que sèm a parlar de jòc e d’espòrt, esperam plan que portaretz una atencion particulara als espòrts d’aicí, als espòrts qu’en mai de l’aspècte fisic, pòrtan lor fais de sociabilitat, d’istòria, de cultura, de paraula, d’engèni: los rugbís, mas tanben lo tambornet, las ajustas, los jòcs de bòlas, los jòcs de quilha, la corsa camarguenca, la pelòta basca,…
Vos convidam a venir faire vòstre footing de dissabte que ven (20 d’abril) al grand Passacarrièra de Rodés e podètz comptar sus nosauts per contunhar nòstre maraton pels dreits elementaris per nòstra lenga d’Òc.
Amb l’expression dels nòstres melhors sentiments,
Carcassona, lo 12 d’abril de 20-XIII
Institut d’Estudis Occitans-Aude”
Vos escrivèm una letra que legiretz benlèu.
Profitam de vòstra venguda a Carcassona per l’estrena de la tribuna novèla de l’estadi per vos adreiçar aquesta tribuna novèla que vos dirà nòstre malcòr.
Esperam qu’intervendretz alprèp del President per faire levar la suspension sine dieque ven de prononciar a un marrit Conselh del mes de març per nòstra lenga occitana e per nòstra cultura.
Devèm reconéisser que comprenèm pas brica las rasons d’aquela suspension dins la mesura ont nos aviá promés fòrt e fèrme l’an passat que i aviá pas cap de problèma per nosauts de jogar sus la pelena e entre las linhas de las culturas de França e del monde e que suportava pas mai de nos veire en segonda division.
La pelena? Vos rapelam que, bèl temps i a, nòstres aujòls contribuèron a la semenar en se faguent trobadors o en metent en abans las valors de Jòi, Larguesa e Paratge que prefiguravan las règlas de l’esperit esportiu que defendètz: lo respècte de totes.
Comprenèm pas tanpauc que França contunhe de jogar jos falsa licéncia: per dintrar dins l’Union Europèa, cal faire pròva d’esperit democratic e aver ratificat la Carta europèa de las lengas regionalas e minoritàrias. Susprenent de veire que la règla s’aplica als jogaires novèls e non pas a l’arbitre francés! E la situacion es similària dins las instàncias internacionalas planetàrias!
E ara, vaquí que lo vòstre collèga de las escòlas s’i met tanben e, tot en diguent que refonda l’escòla, causís lo camin de l’exclusion e del bonet d’ase per las lengas de França. Es una escòrna a l’intelligéncia umana de voler escafar tot lo saber amassat per las generacions precedentas e de se privar d’una diversitat de vejaires. E se vei e s’ausís a la television encara mens d’occitan que de rugbí de 13, es per vos dire…
Òu, caldriá solament jogairas e jogaires amb un cap monolitic e formatats a l’identica? Una equipa a besonh de pilars, de mesclanha, d’alièrs, de centres, de tranquillas e de fosilhs, de gròsses e de magres, de grandas e de pichonas, d’experiéncia e d’inspiracion, … Alara, seriá plan se los Blaus sabián metre en musica lo francés e tot çò que ven de l’occitan, del catalan, del basc, del breton, del còrs, de las lengas de prèp o de luènh per tirar totes dins lo sens de la solidaritat e de la ciutadanetat e non pas se faire lo morre. Nos vesètz tristes-tristasses e demandam qu’a èsser gaujoses: avèm bona constitucion per aquò (çò que sembla pas èsser lo cas per França).
Lo jòc dobèrt es totjorn lo mai atractiu, lo mai portaire de vam e d’espèr; perqué, digatz-nos, França causís de jogar pichon, estequit e entristesit?
E, tant que sèm a parlar de jòc e d’espòrt, esperam plan que portaretz una atencion particulara als espòrts d’aicí, als espòrts qu’en mai de l’aspècte fisic, pòrtan lor fais de sociabilitat, d’istòria, de cultura, de paraula, d’engèni: los rugbís, mas tanben lo tambornet, las ajustas, los jòcs de bòlas, los jòcs de quilha, la corsa camarguenca, la pelòta basca,…
Vos convidam a venir faire vòstre footing de dissabte que ven (20 d’abril) al grand Passacarrièra de Rodés e podètz comptar sus nosauts per contunhar nòstre maraton pels dreits elementaris per nòstra lenga d’Òc.
Amb l’expression dels nòstres melhors sentiments,
Carcassona, lo 12 d’abril de 20-XIII
Institut d’Estudis Occitans-Aude”
La Ministra prenguèt l’envolòpa e contunhèt son camin cap als pastissons del manja-dreit.
IEO-Aude
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
çò qu'es lo messatge de dissabte, dejà ?
ah oè...
Rencontres occitanes : Lo grand passacarrièra de Rodés
Vous aimez l'Aveyron, vous aimez la langue et la culture occitanes : rendez-vous le 20 avril 2013 à Rodez.
Un grand moment festif pour montrer la vie et l'envie de vivre de la culture d'OC.
8h00 - 13h00 : Tripous à la Salle des Fêtes
10h00 : Stands des associations
14h15 : Départ du grand Passacarrièira dans les rues de Rodez
16h30 : Arrivée place du Bourg, feu d'artifice de chants, danses, théâtre, démonstrations de cuisine...
18h00 : Apéritif et bal à la Salle des Fêtes de Rodez.
19h30 : Aligot
21h00 : Concert avec le Comité, Goulama'sk et Gojats Of Hedas
Fièr de sa cultura, Avairon defend sa lenga (Fier de sa culture, Aveyron défend sa langue).
dab aquò, si l'occitan ganha pas una dignitat !!
Benlèu qu'o cònsol de Carcassona non siguèt informat que i aguèt una manif per l'occitan en la siu comuna en 2005 ?
... ò benlèu doe manifs meme ?? (irònico)
A L’ESTADI DOMÈC, PER L’OCCITAN PAS UN COPÈC
" A l’estadi Domèc, per l’occitan pas un copèc " : vaquí un novèl provèrbi nascut a Carcassona aqueste divendres 12 d’abril. La comuna aviá promés en octobre passat que la senhaletica a l’estadi Domèc renovat seriá bilenga.
De fait, la decision a pas trapat de concretizacion e lo Cercle Occitan del País de Carcassona manda un corrièr al Conse de Carcassona per comprene lo perqué d’un tal malparat.
L’associacion sotalinha que l’operacion, d’un còst minime mas fòrtament simbolica, auriá permés de mostrar a la Ministre dels Espòrts l’espèra cap a la ratificacion de la Carta europèa de las lengas e a una vertadièra politica dinamica de las lengas en França.
« Sénher Conse,
I a quicòm que truca ! Sèm malcorats de véser que la senhaletica a l’estadi Domèc es solament en lenga francesa. Esperàvem una senhaletica bilenga francés-occitan coma l’aviá dit lo Conselh municipal en octobre e vosaus tanben a l’Amassada generala de l’ASCarcassona XIII.
De qué s’es passat per qu’aquesta decision siague pas executada ? Seriá, de mai, estat l’escasença, de mostrar a la Ministra dels Espòrts l’estacament dels Occitans a sa lenga dins un moment ont son remesas en causa las promessas de ratificacion de la Carta europèa de las lengas regionalas o minoritàrias. »
Òsca per aquela iniciativa !
Es ben de mostrar que seguissem leis afaires e que se laissam pas embrolhar per la maquina dei promessas non tengudas e dau temps que rovilha leis esperits e recòrds...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari